Greinar

Article Index

Þegar unnið er með greinar í Joomla skiptir engu hvort notandinn vinnur í gegn um framenda vefjarins eða stjórneiningu. Allar helstu stillingar á bak við greinar eru aðgengilegar. Þetta gerir Joomla einstaklega notendavænt, þar sem stærstur hluti notenda sem vinna með vefi, þurfa í raun ekki að hafa aðgang að stjórneiningu, heldur geta unnið beint í gegn um 'vefinn sjálfann'.


Að búa til grein

Aðgangur að greinaritlum í framenda er yfirleitt tengdur einhverskonar notendavalmynd. Slíkar valmyndir eru afskaplega mismunandi eftir vefjum. Greinaritillinn sjálfur lítur þó afskaplega kunnuglega út og hefur alla sömu valkosti og þegar unnið er í gegn um stjórneiningu.

Tengill í greinaritil í notendavalmynd

 

Nánar um innsetningu greina í framenda vefjarins og notkun greinaritilsins

 

Þegar notandi er innskráður í stjórneiningu kerfisins er hægt að nálgast greinaritilinn með tvennu móti. Á stjórnborðinu sjálfu er hægt að smella á 'Article Manager' táknið, en einnig er alltaf hægt að fara í efri valmyndina og smella á 'Article Manager' tengilinn undir 'Content' fellilistanum.

Tenging á greinaritil í vinstri valmynd stjórneiningar
Tenging á greinaritil í efri valmynd stjórneiningar

 Þegar komið er inn í 'Article Manager' viðmótið hefur notandinn aðgang að þeim greinum sem til staðar eru auk þess að geta unnið með efnisflokka, en eftirfarandi möguleikar eru í boði í efri valmynd:

  • New: Gefur aðgang að ritilsviðmóti til að búa til nýja grein.
  • Edit: Gefur aðgang að ritilsviðmóti til að breyta valdri grein. ATH að merkja þarf við grein í listanum áður en smellt er á þennan hnapp, en sama viðmót opnast líka ef smellt er á titil viðkomandi greinar án þess að merkja við hana.
  • Publish: Birtir valdar greinar. ATH að merkja þarf við þær greinar sem ætlunin er að setja í birtingu. Hægt er að merkja við ótakmarkað margar greinar og birta þær allar samtímis.
  • Unpublish: Tekur valdar greinar úr birtingu. ATH að merkja þarf við þær greinar sem ætlunin er að taka úr birtingu. Hægt er að merkja við ótakmarkað margar greinar og taka þær allar úr birtingu samtímis.
  • Archive: Færir valdar greinar í 'eldra efni' eða 'archive'. Efnið er þá tekið úr birtingu og merkt sem eldra efni. Efninu er ekki eytt og hægt er að búa til valmyndartengil sem tengist beint inn á eldra efni í gegn um 'Archive' tengil. Efni sem er merkt sem eldra efni birtist ekki í greinasöfnum öðrum en þeim sem tilheyra eldra efni.
  • Check In: Fjarlægir ritlása af ritlæstu efni. Stundum kemur fyrir að notandi sem ætlar að vinna með grein fær 'timeout' á innskráningu (til dæmis vegna áríðandi símtals) og þá læsist það efni sem viðkomandi var að vinna með. Ef viðkomandi innskráir sig ekki aftur og fer inn í læsta efnið og fer út úr því með því að vista eða hætta við, getur stjórnandi farið inn síðar og tekið skriflása af með því að merkja við þær greinar sem læstar eru og smella á þennan hnapp.
  • Trash: Hendir völdum greinum í ruslið. Gott er að hafa í huga að hægt er að nálgast efnið í ruslafötunni í nokkurn tíma eftir að því er hent.
  • Batch: Gefur kost á að vinna með margar greinar í einu. Hér er til dæmis hægt að færa flokka undir einn flokk, vinna með aðgangsstýringar og tungumál, auk þess sem hægt er að gefa nokkrum greinum í einu sameiginleg 'tög' til að flokka þær saman í leitarkerfi vefjarins.
  • Rebuild: Stöku sinnum kemur upp sú staða að gagnagrunnar frjósa eða að upp koma villur í gagnagrunni sem erfitt getur verið að lagfæra. Rebuild hnappurinn gefur kost á að senda skilgreiningar á greinum á gagnagrunninn til að lagfæra slíkar villur.

Stjórneining greina


Efnisflokkar

Nýtt efni á Joomla vefjum er sjálfgefið óflokkað. Hægra megin við greinaritilinn í stjórneiningunni er hægt að velja efnisflokk fyrir efnið, sé þess óskað.

Fellilisti til að velja efnisflokk

Sami reitur er aðgengilegur þegar unnið er með greinar í framenda vefjarins, undir 'Utgáfumöguleikar' flipanum. Ef framendi vefjarins er á íslensku heitir þessi fellilisti 'Flokkar'.


Tög

Joomla notar svokölluð 'tög' (Tags) til að hópa saman greinum sem eiga eitthvað sameiginlegt. Þannig er hægt að hópa saman greinar, sem tilheyra ólíkum greinaflokkum eftir tögum og birta lista yfir þær greinar sem deila tögum með þeirri grein sem verið er að skoða á hverjum tíma til að auðvelda notandanum að finna greinar sem fjalla um sama efni.

Hægra megin við greinaritilinn í stjórneiningu vefjarins er hægt að setja inn tög í 'Tags' reitinn. Sami reitur er aðgengilegur þegar unnið er með greinar í framenda vefjarins, undir 'Utgáfumöguleikar' flipanum en þessi stilling er aðgengileg fyrir allt efni, hvort sem um er að ræða greinar eða greinaflokka.

Hægt er að hópa efni saman með tögum


Aðgangsstýringar

 Hægt er að aðgangsstýra greinum og greinaflokkum eftir notendahópum. Í grunnin eru 4 stillingar á aðgangi að efni, en þær eru eftirfarandi:

  • Public: Efnið er ólæst og allir sem vafra um vefinn hafa óheftan aðgang að því.
  • Registered: Efnið krefst innskráningar en gestir þurfa ekki að hafa neinar skrifheimildir á vefinn til að geta skoðað efnið.
  • Special: Efnið krefst innskráningar og gestir þurfa að hafa skrifheimildir á vefinn til að geta skoðað það.
  • Super Users: Efnið er eingöngu ætlað stjórnendum.

Hægra megin við greinaritilinn í stjórneiningu vefjarins er hægt að velja aðgangsheimild að efninu úr 'Access' fellilistanum. Sami reitur er aðgengilegur þegar unnið er með greinar í framenda vefjarins, undir 'Utgáfumöguleikar' flipanum en þessi stilling er aðgengileg fyrir allt efni, hvort sem um er að ræða greinar eða greinaflokka. Ef framendi vefjarins er á íslensku heitir þessi fellilisti 'Aðgangsstýring'.

Fellilisti fyrir aðgangsstýringu efnis


Tungumál

Þegar unnið er með fjöltyngda vefi býður Joomla upp á afskaplega öfluga höndlun beint úr kassanum. Hægt er að merkja allt efni þeim tungumálum sem eru innsett á vefinn og stýra þannig hvaða efni er birt þegar vefurinn er skoðaður á því tungumáli sem valið er.

Til að hægt sé að flokka efni eða einingar eftir tungumálum þurfa eftirfarandi skilyrði að vera uppfyllt:

  • Fleiri en eitt tungumál er innsett á vefinn
  • Öll tungumál sem ætlunin er að nota eru skilgreind í stjórneiningu tungumála undir 'Extensions > Language Manager > Content'
  • System - Language Filter plugin er virkjað
  • System - Language Code plugin er virkjað

Hægra megin við greinaritilinn í stjórneiningu vefjarins er hægt að velja aðgangsheimild að efninu úr 'Language' fellilistanum. Sami reitur er aðgengilegur þegar unnið er með greinar í framenda vefjarins, undir 'Utgáfumöguleikar' flipanum en þessi stilling er aðgengileg fyrir allt efni, hvort sem um er að ræða greinar eða greinaflokka. Ef framendi vefjarins er á íslensku heitir þessi fellilisti 'Tungumál'.

Fellilisti til að velja tungumál