Að senda inn efni / grein

Article Index

http://www.joomlacontenteditor.net/

Í nýjustu útgáfu Joomla er búið að færa hina ýmsu möguleika ritilsins undir fjóra flipa. Sá fyrsti gefur aðgang að öllu sem nauðsynlegt er að fylla út en hinir þrír veita aðgang að öðrum valmöguleikum.

Þegar notandi þarf að setja inn nýja grein eða nýja frétt er smellt á viðkomandi tengil í valmyndinni. Heiti tenglana er ekki alveg samræmt en flestir heita þeir þó 'Að senda inn' og svo ýmist 'grein', 'frétt' eða 'efni'.
Þegar smellt er á þennan tengil birtist rithamur fyrir greinar.

framendi ritill

Rithamurinn inniheldur aðeins 2 reiti sem notandanum er skylt að fylla út. Það eru titill greinar, þ.e. efsti textareiturinn og efni greinarinnar, sem er stóri ritilkassinn sem er þriðji reitur ofanfrá. Ef efni á að tilheyra fyrirfram ákveðnum efnisflokk er flokkur valin úr vallistanum sem er næsti reitur neðan við efnisreitinn.

framendi ritill utgafa

Þegar þessir reitir hafa verið fylltir út er nóg að smella á 'Vista' hnappinn neðan við greinaritilinn til að vista og birta þessa nýju grein.

Athugið að þegar notandi opnar grein til vinnslu merkir kerfið greinina í notkun í gagnagrunni. Ef notandi hættir við að vista greinina og vill fara út úr greinaritlinum er nauðsynlegt að smella á 'Hætta við' hnappinn sem er við hliðina á 'Vista' hnappnum. Ef notandi fer út úr ritlinum á annan máta helst skriflásinn á greininni í kerfinu og engin annar notandi hefur kost á að vinna með viðkomandi grein, þar til skriflásinn hefur verið losaður handvirkt.


Lesa meira

Ef meiningin er að birta úrdrátt úr grein og 'Lesa meira' tengil neðan við þann úrdrátt er greinin opnuð í ritham, smellt á þann stað sem 'Lesa meira' tengillinn ætti að birtast á, til dæmis við fyrstu greinaskil, og smellt á 'Lesa meira' takkann neðan við greinaritilinn (í stjórneiningu heitir takkinn 'Read More'). Þegar myndir eru settar inn í gegn um ‚Myndir og tenglar‘ flipann, birtist inngangsmynd með þeim úrdrætti úr efnistökum greinarinnar sem birtur er ofan við ‚Lesa meira‘ tengilinn.


Aðrir innsetningarmöguleikar:

framendi ritill utgafa

Kerfisheiti: þetta er heitið sem kerfið notar til að auðkenna greinina í gagnagrunni. Kerfið gerir þetta sjálfkrafa með því að taka greinaheitið og skipta út öllum biltáknum fyrir undirstrik og öllum sértáknum fyrir venjuleg latnesk tákn. Þannig fengi tiltillinn 'Skíðaferð í Bláfjöll' kerfisheitið 'skidaferd_i_blafjoll'. Upp getur komið sú staða að við viljum 'neyða' greinina til að eiga annað kerfisheiti en kerfið vill gefa henni, til dæmis í þeim tilfellum þar sem önnur grein ber sama heiti. Þá er hægt að skrifa það heiti sem óskað er í kerfisheitisreitinn.

Dulnefni höfundar: Hér er átt við höfundarnafn eða það nafn sem höfundur vill birta við greinina ef nafn höfundar er birt. Hann Guðmundur Sigurðsson félagi minn er til dæmis alltaf kallaður Gummi Dundu. Ef hann myndi nota sitt raunverulega nafn við það efni sem hann setur inn myndi engin kannast við kauða. Hann setur því höfundarnafnið 'Gummi Dundu' í reitinn til að fólk viti hver samdi greinina.

Ástand: Hér er átt við birtingarástand greinarinnar. Greinin er sjálfgefið Birt en hægt er að velja eftirfarandi valkosti að auki:

  • Óbirt – Greinin dettur úr birtingu en er samt sem áður til staðar í kerfinu
  • Setja í geymslu – Greinin dettur út úr greinalistum og er sett í skjalasafn en er enn til staðar í kerfinu
  • Eyða – Greinin er flutt í ruslafötuna. Athugið að hægt er að nálgast greinina aftur í ruslafötunni eins lengi og ekki er búið að eyða út úr henni.

Aðalefni: Hér er valið hvort greinin er gerð til birtingar á forsíðu. Sjálfgefið val er 'Nei' en hægt er að velja '' þarna og þá verður greinin birt þegar smellt er á forsíðutengla, þ.e. ef viðkomandi forsíðutengill er að draga fram 'Frontpage Blog'.

Hefja birtingu: Hér er hægt að setja greininni tímamörk varðandi hvenær hún á að birtast. Þetta getur verið þægilegt ef verið er að setja inn tilkynningar sem eiga að birtast á ákveðnum tímapunkti.

Ljúka birtingu: Hér er hægt að setja greininni tímamörk varðandi hvenær hún á að detta úr birtingu. Þetta getur verið þægilegt ef unnið er með efni sem á að hverfa af vefnum á ákveðnum tímapunkti.

Aðgangsstýring: Hér er hægt að ráða hvort efnið er aðgengilegt almenningi eða ekki. Sjálfgefið val, 'Public', birtir efnið almenningi en að auki er hægt að velja 'Registered' sem birtir efnið þeim sem eru innskráðir en hafa ekki endilega rétt til að vinna með efni sjálfir og 'Special' sem birtir efnið aðeins þeim sem hafa efnisvinnsluréttindi á vefinn.

Tungumál: Hér er hægt að einskorða efnið við ákveðið tungumál. Þessi fellilisti birtir öll tiltæk tungumál í kerfinu. Þessi stýring er nauðsynleg þegar unnið er með 'fjöltyngda' vefi.

framendi ritill tungumal

Lýsigögn: Hér er hægt að setja inn lýsingu á efninu. Yfirleitt er um að ræða stuttar setningar sem lýsa umræðuefni greinarinnar. Þessar setningar eru notaðar til að 'hópa' saman greinum sem fjalla um sama, eða álíka efni í efnisleit. Athugið að þær lýsingar sem settar eru hérna inn nýtast einnig við leit í Google og öðrum leitarvélum og því getur verið mjög gott fyrir sýnileika vefjarins að nýta þennan möguleika.

Lykilorð: Hér er hægt að setja inn 'stikkorð' varðandi efnistök greinarinnar. Þessi stikkorð eru notuð til að hópa saman greinum sem innihalda sömu stikkorð í efnisleit. Athugið að þau lykilorð eða 'stikkorð' sem sett eru hérna inn nýtast einnig við leit í Google og öðrum leitarvélum og því getur verið mjög gott fyrir sýnileika vefjarins að nýta þennan möguleika.

framendi ritill lysiord


Varnaðarorð varðandi innsetningu texta

Þrátt fyrir að Joomla sé hannað til að vera eins einfalt í notkun fyrir hinn almenna notanda og mögulegt er, eru nokkrir hlutir sem við þurfum að hafa í huga þegar verið er að setja inn texta í greinar.

Að kópera og líma texta úr Word skjali getur verið hættulegt þar sem Word skjöl innihalda kóða sem er ekki vefvænn. Reyndar er svo að flestir vafrar geta birt þennan kóða, en Word kóði á til að valda því að greinin birtist 'tóm' í Internet Explorer. Joomla bregst við þessu með því að nota 'Paste as plain text' takka til að hreinsa allan óþarfa kóða úr texta sem verið er að líma inn.

paste as plain

Að breyta formi texta, þ.e. að stækka eða minnka letur, breyta leturgerð eða leturlit í greinaritlinum getur verið voðalega sætt, en slíkt 'brýtur' þá virkni sem vefurinn er að nota til að stækka og minnka letur (takkar til að sjóndaprir notendur geti stækkað letrið) og getur eins haft áhrif á þau forrit sem blindir og sjóndaprir nota til að 'lesa' efni síðunnar upphátt. Eins veldur þetta misræmi á milli greina hvað varðar útlit og því verður síðan fljótt 'sóðaleg'. Því ætti að forðast að nota þessa möguleika nema nauðsynlega þurfi á því að halda.

Tög: Joomla, efnisinnsetning, JCE ritill, Joomla ritill, efnisritill, innsetning efnis, innsetning greina, innsetning frétta