Hvað er Joomla?

Joomla er annað vinsælasta CMS kerfið á markaðnum í dag, á eftir WordPress, sem er vinsælasta bloggkerfið í notkun og er notað mjög víða (heimild:http://w3techs.com). Ástæður þess að Joomla hefur náð slíku forskoti á sína helstu keppinauta, Drupal, Magento og TypeO3 eru meðal annara:

  • Joomla er nógu sveigjanlegt til að búa til einfaldar bloggsíður jafnt og stóra, efnismikla fyrirtækjavefi.
  • Joomla er nógu notendavænt til að venjulegur notandi geti lært á það með því að fikta sig áfram í klukkutíma.
  • Joomla er nógu öruggt til að hýsa viðkvæm gögn. Kerfið býður meðal annars upp á 2 þátta innskráningu (með SMS lykilkóðum) sem staðalbúnað í grunnkerfinu, sérsmíðað 'ReCaptcha' fyrir veflæg eyðublöð og 'UploadShield' lausn sem skannar þau gögn sem hlaðið er upp á vefinn í gegn um greinaritil, til að minnka 'malware' sýkingarhættu.
  • Joomla er gert til að líta vel út á farsímum og spjaldtölvum, jafnt og tölvuskjám. Grunnkerfið er byggt með CSS3 og Bootstrap.
  • Joomla er haldið úti af öflugu samfélagi áhugafólks og hefur aldrei verið tengt hagsmunum fyrirtækja eða ríkisstjórna. Joomla er að því við best vitum, eina CMS kerfið á topp 10 listanum sem getur státað sig af því að vera algerlega frjálst og óháð.
  • Joomla státar af ótrúlegum fjölda viðbóta (yfir 8000) og útlitsstíla (yfir 4500 ókeypis og enn fleiri keypt).

Meðal verðlauna sem Joomla hefur unnið til eru:

 

Tög: Joomla, Um joomla, Hvað er Joomla