Almennar aðgerðir

Article Index

Joomla býður upp á tvær megin leiðir til að vinna með efnistök í kerfinu, í gegn um innskráningu á framenda vefs og í gegn um stjórneiningu. Hér verður farið einblínt á þann hluta kerfisins sem snýr að þeim notendum sem vinna með efnistök vefjanna úti í stofnunum borgarinnar.


Innskráning í framenda

Flestir notendur þurfa aðeins að geta sinnt grunn verkefnum á bak við vefinn. Þessir notendur þurfa að geta sinnt meðal annars eftirfarandi verkefnum:

  • Unnið með greinar (þ.e. breytt eða sett inn grein)

  • Unnið með myndasöfn og myndasafnsflokka
  • Sett inn nýjar vefkrækjur
  • Unnið með skjöl í skjalasafni
  • Unnið með matseðla
  • Unnið með viðburðadagatöl

Fyrir þessa notendur er yfirleitt nóg að nota innskráningu í framenda, þar sem allir þessir möguleikar eru til staðar fyrir 'framenda' notendur í Joomla. Stærsti kosturinn við þessa innskráningarleið er að flækjustigið gagnvart viðkomandi notanda er í lágmarki. Notandinn innskráir sig með þar til gerðu eyðublaði á vefnum og fær aðgang að valmynd sem inniheldur tengla sem vísa á framangreindar aðgerðir.


Innskráning í stjórneiningu

Allir vefir þurfa að hafa einhvern ábyrgðarmann, eða vefstjóra, sem hefur kost á og þekkingu til að sinna þeim verkefnum sem falla á notendur með 'meirapróf'. Undir verksvið slíkra notenda falla meðal annara eftirfarandi verkefni:

 

  • Að búa til nýja efnisflokka og breyta þeim
  • Að raða efnisflokkum undir aðra efnisflokka
  • Að búa til nýja tengiliði og breyta þeim
  • Að búa til tengiliðaflokka og breyta þeim
  • Að búa til nýja valmyndartengla og breyta þeim
  • Að búa til nýja notendaflokka og breyta þeim
  • Að skrá nýja notendur og breyta þeim
  • Að búa til nýja dagatalsflokka og breyta þeim
  • Að búa til nýjar valmyndir og breyta þeim
  • Að vinna með kubba í kerfinu (módúla)

 

Síðastnefndi valmöguleikinn er ekki sjálfgefinn. Ef allt er með felldu þarf ekki (eftir að vefur er komin í birtingu og uppsetningu hans er lokið) að fikta mikið í kubbakerfinu en þó er nauðsynlegt að hafa þennan möguleika til staðar til að þeir notendur sem treysta sér til geti 'bjargað sér' ef á þarf að halda.