Að tengja skjöl í greinar

Article Index

Joomla býður upp á ýmsar leiðir til skjalabirtinga og verður farið í þær aðferðir sem viðkoma ekki JCE ritlinum síðar.

Skjalumsýsluviðmót JCE ritilsins er mjög líkt myndumsýsluviðmótinu sem farið var í hér ofar. Tvær leiðir eru til að búa til skjaltengil. Fyrri aðferðin byggir á því að verið sé að búa til tengil úr texta sem er skrifaður inn í greinarritilinn, en seinni aðferðin byggir á því að verið sé að búa til textann eða tengilinn um leið og skjalið er tengt inn í greinina. Í báðum tilfellum er 'Insert/Edit File' hnappurinn notaður.

ritill insert file

 

ritill file manager


Að búa til skjaltengil úr texta sem þegar er til staðar í grein

  • Textinn í greininni er 'litaður' eða 'blokkeraður' til að velja hann
  • Smellt er á 'Insert/Edit File' hnappinn, sem lítur út eins og skjal með hlekk ofan á (sjá mynd hér ofar), til að opna 'File Manager' gluggann
  • Ef skjalið er þegar til staðar inni á skráarsvæðinu er vafrað eftir því og það valið í 'File Manager' glugganum með því að tvísmella á nafn skjalsins. Við þetta opnast 'Confirm' sprettigluggi sem spyr hvort eigi að skipta út tengilstextanum fyrir skráarnafnið. Hér er smellt á 'No'. Þegar slóðin á skjalið er sýnileg í 'URL' glugganum efst í 'File Manager' glugganum er smellt á 'Insert' hnappinn neðst í 'File Manager' glugganum.

Ef skjalið er ekki til staðar á kerfinu er byrjað á að vafra í þá möppu sem ætlunin er að skjalið verði vistað í. Ef sú mappa er ekki til staðar þarf að búa hana til. Þá er byrjað á að vafra í þá möppu sem á að innihalda nýju möppuna og smellt á 'New Folder' hnappinn, sem er staðsettur hægra megin fyrir miðju í 'File Manager' glugganum og möppunafnið skráð. Því næst er smellt á nýju möppuna til að opna hana. Nú er hægt að hlaða skjalinu upp á skráarsvæðið með því að nota 'Upload' takkann sem er staðsettur hægra megin fyrir miðjum 'File Manager' glugganum, við hlið 'New Folder' hnappsins. Við þetta opnast nýr 'Upload' sprettigluggi sem gefur okkur kost á að 'draga og droppa' skjölum í upphleðslulista (athugið að þetta virkar ekki í Internet Explorer 9).

Einnig er hægt að smella á 'Browse' hnapp neðst í þessum glugga og velja skjöl til upphleðslu með því að vafra í skrár inni á tölvu notandans. Þegar öll skjöl sem á að hlaða upp eru komin í listann er smellt á 'Upload' hnappinn neðst í upphleðsluglugganum. Núna er hægt að velja skjalið eins og lýst er hér ofar.


Að búa til skjaltengil án þess að texti sé til staðar

  • Smellt er á þann stað í greininni sem tengillinn á að birtast á
  • Smellt er á 'Insert/Edit File' hnappinn, sem lítur út eins og skjal með hlekk ofan á (sjá mynd hér ofar), til að opna 'File Manager' gluggann
  • Ef skjalið er þegar til staðar inni á skráarsvæðinu er vafrað eftir því og það valið í 'File Manager' glugganum með því að tvísmella á nafn skjalsins. Við þetta opnast 'Confirm' sprettigluggi sem spyr hvort eigi að skipta út tengilstextanum fyrir skráarnafnið. Hér er smellt á 'No'. Þegar slóðin á skjalið er sýnileg í 'URL' glugganum efst í 'File Manager' glugganum er sá texti sem á að birtast sem tengill skrifaður inn í 'Text' reitinn, sem er þriðji textareitur ofan frá í 'File Manager' glugganum. Síðan er smellt á 'Insert' hnappinn neðst í 'File Manager' glugganum.

Ef skjalið er ekki til staðar á kerfinu er byrjað á að vafra í þá möppu sem ætlunin er að skjalið verði vistað í. Ef sú mappa er ekki til staðar þarf að búa hana til. Þá er byrjað á að vafra í þá möppu sem á að innihalda nýju möppuna og smellt á 'New Folder' hnappinn, sem er staðsettur hægra megin fyrir miðju í 'File Manager' glugganum og möppunafnið skráð. Því næst er smellt á nýju möppuna til að opna hana. Nú er hægt að hlaða skjalinu upp á skráarsvæðið með því að nota 'Upload' takkann sem er staðsettur hægra megin fyrir miðjum 'File Manager' glugganum, við hlið 'New Folder' hnappsins. Við þetta opnast nýr 'Upload' sprettigluggi sem gefur okkur kost á að 'draga og droppa' skjölum í upphleðslulista (athugið að þetta virkar ekki í Internet Explorer 9). Einnig er hægt að smella á 'Browse' hnapp neðst í þessum glugga og velja skjöl til upphleðslu með því að vafra í skrár inni á tölvu notandans. Þegar öll skjöl sem á að hlaða upp eru komin í listann er smellt á 'Upload' hnappinn neðst í upphleðsluglugganum. Núna er hægt að velja skjalið eins og lýst er hér ofar.